حسب ماضي الغلا

الا ليه يا الاحساس...

الا ليه يا الاحساس...



يا بخت قلب ن من عيا الوقت سالي
و يا سعد من في السعد ربي مهنّيه

و يا صبر من قلبه حموله ثقالي
ولا من الناس الاعزا حواليه

في غربة احساسه و هجر الغوالي
البعد سوى شيء ماحد يسويه !!

بين العرب واسدالي اني لحالي
يعني نهاية آخر البُعّد و التْيه

كنه ينادي الروح ...وينك تعالي
و لا حس بي الا وانا اقول لبيه

لبيه,,,و اتلفت يميني شمالي
واني لحالي,,و انثني اصيح,,الا ليه؟؟؟؟

الا ليه يا الاحساس توهم خيالي
بصوت غالي...في الغلا فاق مغليه

و ليه تقنعني لما اوهمت بالي
ويوم اقتنعت انه معي ..قمت تنفيه

يعني لأنه في سما الحب عالي
تستغل اشعور قلبي وتشقيه

و ترسم خياله كل ليله قبالي
و تعزف لحن صوته ونبرة معاليه

لما تساديته يساير ظلالي
ويعيش فيني العمر او اعيش انا فيه

لعاد يا لحساس ,,,مالك ومالي
يكفي تعذبني ,,وقلبي يكفيه

وش فايدة الاحساس فيما جرالي
الا تبلاني ابتلى الله يبليه....؟؟؟

خلني اعيش..

خلني اعيش..


باقي العمر اباه الا معك
اعيش انا وانت عالمنا الوحيد

خلني اعيش اشوفك واسمعك
خلني احيا حياتي من جديد

خلني اطعم حلاوة مطلعك
كلما جيت تمشي من بعيد

تبتسم لي و تشر بإصبعك
والفرح في عيونك فجر عيد

وكل ما قلت لك ما اروعك
شفت في خدك الحمره تزيد

لا الحيا من حديثي يمنعك
عن حديثك معي فيما تريد

ريت لي قدرة اني اقنعك
نعيش كينونه الحب الاكيد

او ريت لي قدرة اني انزعك
من معاليق قلبي و الوريد

عهدٌ للوطن..

عهدٌ للوطن..


نعاهد الله و المواطن والوطن
و امن البلد و الجيش و الركن المشير

ما كان ترهبنا عصابات الفتن
و لا نفرط في اليمن مهما يصير

احنا حماته من عدوه و الخَوْن
يفداه من خانه و يفداه الاجير

و لا يخون اهله و ارضه و السكن
الا عديمين الكرامة و الضمير

هذا اليمن هذا اليمن هذا اليمن
كلن يراجع موقفه وش يستخير

لا عاد حد فيها يساوم بالثمن
ما مثلها يبتاع يا من يستشير

ولا مثلها يُسلب و مثلي مؤتمن
ولا شعبها يستاهل الوضع المرير

و ان حد نسي التاريخ ..بظنونه ركن
بالله قل له يا زمن ويش المصير

إرجالها يوفونها عند المحن
ويثبتوا معها الى الرمش الاخير

من ذو يزن حتى اللوا سالم قطن
و امثالهم من بعدهم ضحوا كثير

يا كم بطل ضحى بدمه وانسجن
حد قد قضى نحبه و حد عاده يسير

كله على شان اليمن لا ترتهن
في يد هذا الشيخ او ذاك الامير

واليوم من اهدر محاسن كل ظن
لا زال ظن الكيد عنده مستطير

يلتقوا شُرّكا العقد فوق الغوّنْ
ما يبون الحبل يوطي وسط بير

حد منهم مخفي و حد ظاهر علن
وحد عاده ايقلد علينا شكسبير

ما اصدق اخلاصه ولا كثر الشجن
من غير راعي الخير ..ما راعي لخير

و لا بد ما الصورة يوضحها الزمن
مهما المشاهد غشته شاشة لثير

مثلث الخير ,, الجوف .. مارب .. شبوه

مثلث الخير ,, الجوف .. مارب .. شبوه



نحن كنا ولا زلنا مع الوحده ,, ولكن الظاهر ان القوم يبون يقسمونا اكثر من التقسيم الذي نخشاه من قبل,,
فإن كان لابد فلنا رأي غير الوحده و غير الانفصال


لانا مع الوحده ولا قلبي انفصل
قد عشت و حدتكم ,, و عشت الانفصال

لا الحزب سَلْمنا نهار المعتقل
ولا حكم صنعا رافنا من لعتقال

جربتكم كلاتكم ماشي امل
غسلت يدي منكم ثاني غسال

لا حد يحسبنا معه محنا همل
لا امي جنوبيه ولا ابوي الشمال

انا لي حكومة قبلما عبده ربل
وقبل سوق الملح يا قمة ازل

كُنْا هُنا قدامهم ,, كُنْا الثقل
كنا ملوك الارض في قوة و مال

عاد الشواهد بيْنه عرض الجبل
و عاد البنا قايم وسط زحف الرمال

معيني و قتباني مماليك الدول
في الجوف في بيحان با تلقى المثال

و معبد سبا مارب يجاوب من سئل
والسد والعرش المبجل لا يزال

وكم مملكه في البوك لي فيها مثل
ما غير مال الحظ صابه يوم مال

ذلحين وين ابناءهم وين العوْل
و ين الرجال احفاد ذولاك الرجال؟؟؟

من حقنا نسترجع الماضي بدل
عيش التشتت في هوامش لنعزال

هذا معا صنعا يشوف انه بطل
وهذا مع قلعه كريتر والتلال

حد با يعالمني صراحه في عجل
هم ويش ثروتهم ؟؟ وش الكيال كال

هو شي سوى الدُبْا وعيدان القَطل
و حبه بلس و الشمه البيضا شوال

و ذاك بالتمبل من الساحل نزل
و مينا معه من عهد حكم الاحتلال

و صرنا تبوعتهم ,, تقسمنا عزل
ما كننا نملك من الثروه حلال

و من عندنا الثروه ومخزون اختزل
لولاه ما قام الشلن و إلا الريال

القاز والديزل و كهرب ترتسل
و النفط و البترول و الغاز المسال

وش قسمنا اللي منها فعلاً يصل
سؤال عذبني معه هذا السؤال ؟؟

معنا عواكي النفط تتجمع كُتل
جابت لنا امراض التجلط و العضال

و يعاقبونا بالشتومه والخمل
و بالتخلف و الجهاله و القتال

و العنصريه في الوظيفه و العمل
و تهمة التخريب فينا و الجدال

سَمْوا مناطقنا الثلاث اصل الفشل
وانها مثلث شر ,, شمسه والضلال

و الطايره ما صوتها ليله غفل
حتى مجال الجو ما اصبح لي مجال

فهل جزا المعروف ما فينا حصل
وما زال يحصل ضدنا في كل حال ؟؟

و الى متى واحنا ضحية من رحل
وميراث بارد قسم باقي للعيال ؟؟

والى متى واحنا تبوعه لشلل
من جا خطمنا مثلما خطم الجمال ؟؟

والى متى الشيخ المولع بالهلل
يبيع المصالح بعد ما استوفى و نال ؟؟

يا هل علمي الف مره هل و هل
عاد با نرجع لنا قيله و قال ؟؟؟؟؟؟؟؟؟

و إلا مسلسل مهزلتنا ما اكتمل
وعاد له اجزاء طور الاكتمال !!!

صلوا على الهادي تواليها تحل
و صلوا على اهله و آله خير آل

يومين غايب عن حريب بيحان

يومين غايب عن حريب بيحان


سلام من غايب ولاهوب غايب
قلبه هُنا و الروح,,لو الجسم غيبه

و البال من حبه تجاه الحبايب
ذكرى تروح به و ذكرى تجيبه

و العين تفقد شوفكم و الحواجب
و الصدر من لشواق يشكي نحيبه

شوق القرايب عند طاري القرايب
و شوق المحب انه يلاقي حبيبه

يومين غايب ,,ظرف لازم و غاصب
كنها عامين فتره صعيبه

سلام من بنك الغلا في الجوانب
تسليم صافي من حساب الضريبه

عِدْ ما هلت مزون السحايب
لكل الاعضاء,,المبعده و القريبه

حبي لهذا الدار,,في القلب واجب
و إحنا على الواجب ولاهي غريبه

قلبي يرى بيحان ملكه,,مضارب
أما حريب يقول إنه حريبه

حريب بيحان الغلا و المراحب
و العز و الناموس ,,جودة و طيبه

فيه الرْغْب للضيف لو جاه راغب
وإن جاه غاوي,,بَشْرِه بألف خيبه

الله لا جاته صروف النوايب
ومن يبا له صوب,,ربي يصيبه

إلى جعفر خاصه وللخرز بشكل عام

إلى جعفر خاصه وللخرز بشكل عام


يــا جعفر ">جعفر< الخراز مانا بخراز
إلا إن قلبي بالمشاعر موازي

مــن يـــوم قلبك ضاق لا يـــوم مــا فــاز
و قلبي معك ضـيـق و بـالامـس فـازي

مـعك بــقلـب و جهد و أفـعال و إنـجاز
ماهي روايــا طـاحسه أو محازي

مع إن جهددك كفـو,,ما إنته بعجاز
و لوما الـصلابـة,,ما وقف حيـد رازي

و لا كان طـال الـوعـد فــي روس لـقـواز
ولا أختفـى الـبـارون و البرجـوازي

لاما الغياب أسـتنكـره شام وإحجاز
و أسـتنكرت توز الجهـز فـي الـجهازي

من عـيبة الغربان فـي غفلة الـباز
لا وين بـا يوصـل غـراب إنـتهازي؟!

حــاز الخزا وجهه ملامح و برواز
و اللوم و المقته,, بزتها البوازي

يـبا يـجوز عيب,, و العيب ما جاز
شيل لـلمخازي وصف غـير,,المخازي

ذلـحين يهنا >جعفر< الفوز ذي حاز
والخرز كامل بلفظن مجازي

ولا بـدما تُـعرف طلاسـيم للغاز
و علاقة الغازي بنفطي و غازي